Pro Elena Mulas s’arte de sa tessidura est unu ischire pretziosu tramandadu dae sas fèminas de domo, imparadu cun sa pràtica subra de su telàrgiu traditzionale in linna. A su connoschimentu de sas tècnicas e de sos motivos de sa tessidura traditzionale s’agiunghet sa cumpetèntzia professionale achirida traballende, finas dae candu fut giòvana meda, in un’impresa tèssile.
Oe su laboratòriu suo, ARTESSILE, cun prus de binti annos de fainas, rapresentat unu puntu importante de riferimentu in sa produtzione de tessidura finalizadu a s’arredamentu.
Sos tessutos suos, realizados subra de telàrgios artesanales, cun matèrias primas naturales e de calidade, sunt capatzas de rispòndere a bisòngios diversificados e personalizados.
Su laboratòriu est in Orthullè ue Elena ammàniat Aratzos, tapetos, pannos pro sa domo, realizados cun sas tècnicas traditzionales e riproduende prevalentemente sos decoros tìpicos sardos.
Su traballu
Sa traballadura comintzat cun sa seletzione mirada de sas matèrias primas, naturales e de calidade, comente a su cotone, su linu e sa lana, tintos cun tinturas vegetales. Sa tessidura subra de is telàrgios artesanales traditzionales o mesumecanicos permitet de unire traballaduras petzi manuales, esecutadas cun sas tècnicas locales a pibiones, a litzos e a fressada, cune s’secutzione lestra de tela de fundu.
Sas produtziones si distinghent fintzas pro s’impreu de fibras de scraria.
Isportellu Linguìsticu Ogiastra de Susu 